रायपुर। अंतर्राष्ट्रीय योग दिवस 21 जून के होवईय्या हे अऊ एखरे सेती ’छत्तीसगढ़ वर्चुअल योग मैराथन’ म जुरियाय बर रायपुर कलेक्टर सौरभ कुमार ह जिला के सबो नागरिक मन ले अपील करे हवय। योग मैराथन म संघरे बर पंजीयन के आखिर तिथि ल 15 जून ले बढ़ाके 19 जून करे गे हवय।
सौरभ कुमार ह बतईस कि राज्य शासन के समाज कल्याण विभाग के छत्तीसगढ़ योग आयोग के ए दारी सातवां राष्ट्रीय योग दिवस के आयोजन कोविड संक्रमण ल देखत डिजीटल प्लेटफार्म म करे जावत हे।
पंजीयन बर लिंक-
http://jansampark.cg.gov.in/yogwithchhattisgarh/Registration.aspx. ए लिंक के माध्यम ले कोनो भी नागरिक अपन पंजीयन करा सकत हे। सबो पंजीकृत प्रतिभागी मन ल ऑनलाईन प्रमाण पत्र प्रदान करे जाही. सब जिला के पहिली 100 पंजीयन ल टी शर्ट प्रदान करे जाही।
