नई दिल्ली। प्रधानमंत्री नरेंद्र मोदी आज विवाटेक के 5वां संस्करण म मुख्य अतिथि होही। पीएम ए कार्यक्रम म वीडियो कॉन्फ्रेंसिंग ले जुरियाही. प्रधानमंत्री कार्यालय ह बतईस, फ्रांस के राष्ट्रपति इमैनुएल मैक्रों, स्पेन के प्रधानमंत्री पेड्रो सांचेज अऊ अलग-अलग यूरोपीय देश मन के मंत्री अऊ सांसद घलो ए कार्यक्रम के प्रमुख वक्ता मन म सामिल हवय
विवाटेक कार्यक्रम म पीएम मोदी के अलावा एप्पल के सीईओ टिम कुक, फेसबुक के अध्यक्ष अऊ सीईओ मार्क जुकरबर्ग अऊ माइक्रोसॉफ्ट के अध्यक्ष ब्रेड स्मिथ के संगे-संग कॉरपोरेट जगत के दुसर हस्ती मन घ्ली जुरियाही।
बता दन के विवाटेक सबले बड़का डिजिटल अऊ स्टार्टअप कार्यक्रम हरय। 2016 ले हर साल पेरिस म एखर आयोजन करे जावत हे. एखर पांचवईय्या संस्करण के आयोजन 16 ले 19 जून के बीच होवईय्या हे. विज्ञापन अऊ मार्केटिंग जगत के प्रमुख कंपनी पब्लिसीज ग्रुप अऊ फ्रांस के अग्रणी मीडिया समूह लेस इकोज कोती ले संयुक्त रूप ले एखर आयोजन करे जाथे।
