रायपुर। पं. रविशंकर विश्नविद्यालय ह स्नातक अऊ स्नातकोत्तर कक्षा मन के 2020-21 वार्षिक परीक्षा के समय-सारणी जारी कर दे हवय. समय-सारणी विश्वविद्यालय के वेबसाइट www.prsu.ac.in म देखे जा सकत हे।
कुलपति केएल वर्मा ह बतईस के सेमेस्टर के नई बल्कि सालाना परीक्षा हवय। परीक्षा ऑनलाइन आयोजित करे जाही। परीक्षा केंद्र मन(महाविद्यालय) ले उत्तर पुस्तिका वितरण चलत हवय। सेमेस्टर परीक्षा बर जे प्रावधान हवय ऊही एमा घलो लागू करे गे हे. परीक्षा 15 जून ले सुरु होही. 18 अलग-अलग विषय के तीनों बछर के परीक्षा बर समय सारणी जारी करे गे हवय। स्नात्कोत्तर उपाधि निजी, स्नातक नियमित आयोजित परीक्षा म 144 महाविद्यालय, 29 अध्ययन शाला के परीक्षार्थी परीक्षा दिही।
