डेस्क। फ़ेसबुक ह बुधवार के भारत के प्रधानमंत्री ले इस्तीफा के मांग वाला हैशटैग ल अस्थायी रूप ले ब्लॉक कर दे रिहीस फेर बाद म बहाल कर दिस यानी के सुरु कर दिस। फ़ेसबुक ह सफ़ाई म किहीस हे कि ये हैशटैग ह ग़लती ले ब्लॉक हो गे रिहीस हे #ResignModi फ़ेसबुक म बड़ बेरा तक ले ब्लॉक रिहीस।
फ़ेसबुक बर भारत के बड़ झन कोविड-19 महामारी के भयावहता ल लेके पीएम मोदी ले सवाल पूछत हे। इही सवाल मन के संग #ResignModi चलाय जावत रिहीस।मोदी सरकार के सोशल मीडिया म कोविड 19 महामारी ल लेके लेके होवत पोस्ट मन म नज़र हवय अऊ ट्विटर ले बड़ अकन पोस्ट डिलीट घलो करवाय गे हे। हालाँकि फ़ेसबुक ह ए बात ले इनकार करत हवय के ओहा भारत म असहमति के आवाज़ ल दबाय के मक़सद ले अइसे करे हे लेकिन पहिली हैशटैग हटाय बर माफ़ी मांगे हवय।
फ़ेसबुक के प्रवक्ता ह का किहीस
फ़ेसबुक के प्रवक्ता एंडी स्टोन ह पूरा मामला म केहे हवय, ''हमन ग़लती ले ए हैशटैग ल ब्लॉक कर दे रेहेन। अइसे हमन भारत सरकार के कहिना म नई करे रेहेन। बाद म हमन फेर #ResignModi हैशटैग ल बहाल कर देन.''
