नई दिल्ली। भारत म कोरोना वायरस केे ग्राफ लगातार बढ़ता जावत हे जेखर असर विदेश कूटनीति घलो पड़त हे। पहिली ब्रिटिश प्रधानमंत्री बोरिस जॉनसन ह भारत दऊरा रद्द कर दे हे अऊ अब जापान पीएम योशिहिदे सुगा के घलो भारत दऊरा रद्द होय के खबर आवत हे। जापानी मीडिया के हवाला ले खबर हवय के जापान के प्रधानमंत्री ह भारत म कोरोना के दुसर लहर ल देखत भारत आय के नीति ल रद्द कर दे हवय। भारत दऊरा रद्द होय के संगे-संग जापान पीएम के फिलीपींस दऊरा घलो रद्द हो गे हे। जापानी मीडिया के रिपोर्ट म केहे गे हवय के कोविड-19 के मामला पूरा दुनिया म फेर बढ़े लगे हे अऊ भारत म घलो एखर असर पड़े हवय। लिहाजा जापान के प्रधानमंत्री ह फिलहाल जापान म संक्रमण के रफ्तार रोके के कोशिश म धियान दे के बात केहे।
