छत्तीसगढ़: जशपुर म गांजा के तस्करी करत पुलिस ह 2 गांजा के तस्कर ल पकड़े हवय। मामला उड़ीसा अऊ झारखण्ड के सीमा ले लगे जशपुर जिला के तपकरा के आय । तपकरा थाना के पूलिस ह उड़ीसा ले गांजा खरीदके यूपी म खपाईय्या 2 गांजा तस्कर मन ल हिरासत म ले हावय। तस्कर मन ले पूलिस ह चारपहिया वाहन के संग लाखों रुपिया के गांजा घलो बरामद करे हे।
दुनो आरोपी उत्तर प्रदेश के बलिया के रहईय्या बताए जावत हे। एक के नाव जयप्रकाश यादव अऊ दूसर के नाव कृष्णा बताय जावत हे। एखर मन के तीर ले बरामद होय चारपहिया वाहन म दिल्ली के नम्बर हे। तपकरा पूलिस आरोपी मन ले पूछ ताछ करत हवय। जेखर बाद कुछ खुलासा हो सकत हे।
