 |
| Image source - Google | Image by - Gizbot |
रिलायंस जियो (Reliance Jio) ल टक्कर दे बर भारती एयरटेल ह दू खास प्लान लॉन्च करे हवय। एयरटेल 249 अऊ 199 रुपिया वाले दू प्लान लाय हवय। ए दुनो प्लान के संग यूजर्स ल रौज 1.5 जीबी डेटा मिलही। बता दन कि अब तक एयरटेल के 199 रुपिया वाले प्रीपेड पैक म 1 जीबी डेटा रोज मिलत रिहीस हे। फेर अब ले ए प्लान 1.5 जीबी डेली डेटा के संग आथे। धियान दे वाले बात ए हर आय कि ए फायदा कुछ ही यूजर्स ल दे जावत हे।
एयरटेल के वेबसाइट म आंध्र प्रदेश अऊ तेलंगाना, कर्नाटक टेलिकॉम सर्किल म कुछ चुनिंदा नंबर्स म 199 रुपिया के रिचार्ज म हर दिन 1.5 जीबी डेटा ऑफर करे जावत हे।
199 रुपिया वाले एयरटेल प्रीपेड प्लान म अब 28 दिन बर 1.5 जीबी डेटा ऑफर करे जावत हे। यानी के ग्राहक ह कुल 42 जीबी डेटा के प्रयोग कर सकत हे। एखर अलावा देशभर म हर नेटवर्क म अनलिमिटेड वॉइस कॉलिंग अऊ 100 एसएमएस फ्री रोजे भेज सकथे। ए रिचार्ज के संग ग्राहक मन ल फ्री हैलो ट्यून्स, विंक म्यूजिक सब्सक्रिप्शन अऊ एयरटेल एक्स्ट्रीम ऐप के सब्स्क्रिप्शन घलो ऑफर करे जाथे।
एयरटेल के 249 रुपिया वाले प्रीपेड पैक घलो रिचार्ज बर उपलब्ध हवय। 249 रुपिया वाले प्लान म सबो ऑफर मन 199 रुपिया वाले ही हरे। फेर एमा फास्टैग कैशबैक म 100 रुपिया कैशबैक अऊ एक साल बर शॉ अकेडमी ऑनलाइन कोर्स घलो उपलब्ध हवय। बता दन कि Airtel के तीर एक 219 रुपिया वाले पैक घलो हवय। इस पैक के संग 28 दिन बर 1 जीबी डेटा रोज मिलथे।
